Mir verbringe uesi letschte Taeg in Chile in San Pedro de Atacama, ere Oase am Fuess vo de Ande. Zersch hei mir ues chli a di Horde vo Touris muesse gwahne, eifach ungloublech, es wimmlet nume so vo Franzose. Aber d'Kulisse zringsetum isch so ueberwaeltigend, eifach wunderschoen. Vo uesem Hostal us gseh mir grad uf eine vo dene hoeche Vulkaen (5900m). Mir hei verschiedeni Usflueg id Umgaebig gmacht. Am frueche Morge zu Geysire, hei z'erschte Mau richtig chaut gha, da es oeppe null Grad isch gsi. Nach Sunneufgang und emne Bad ire heisse Quelle isch es de wermer worde. Ir Salzwuesti hei mir Flamingos gseh u uf em Altiplano obe dunkublaui Lagunene. D'Landschaft isch eifach grandios!
I dere churze Zyt hei mir scho es paar Pannene erlaebt. Einisch hei si ues vergaesse, hei gaege Abe dr Sunneuntergang imne schoene Tal woeue ga luege, e anderi Gruppe het ues aber de mitgno. Naer isch einisch e Stossdaempfer broche u e Reife platt gsi. Aber das ghoert haut derzue u mir si immer wieder zruegg cho.
Morn reise mir witer nach Bolivie, waerde e 3-taegegi Tour duer d'Ande mache. Mir hoffe nume, dass uesi Verdouigsproblem bis denn chli besser si. Hei letscht Nacht e Komedi mit em WC gha. Da i usere Unterkunft ir Nacht ke Wasser chunnt, hei mir am Abe zwe 5l-Kanister mit Wasser gfuellt, so dass mir o ja hei choenne spuehle!
PS: Schnee gseh mir zum Glueck nume vo witem! :-)
Abonnieren
Kommentare zum Post (Atom)
3 Kommentare:
Mini Liäbi,
Wie geit's dim Schimmer i dinä Haar?:-))))
Bi üs isches gruusig u chaut.Dr Winter isch ibrochä u mir blangä ufä Früehlig (ömu ig).Nimm de chli vo dirä Wermi mit i d'Schwiz!Aber nid itzä, denn du hesch ja no viu a'zluägä und z'erläbä.I däm Sinn,witerhin gueti Reis!!!Bi scho gspannt was aus nächscht's z'schribä hesch.....
dickä, schlabrigä muntsch
Dane
Hallo Ihr zwöi Liebe
Aes isch halt so: wo's schön isch, hets ou Touris...
Schnee hei mir momentan meh als gnueg vor dr Huustür, är wettiiferet mit üsem Aprikoseboum, wo voll ir Blüeti scheit.
I hoffe nume, dass sech Eui Verdouig uf dr Busfahrt nach Bolivie aaschtändig ufgfuehrt het, süsch het de dä arm Schofför all sch...pot wäge Euch müesse aahalte.
Mir wünsche Euch wiiterhin viel Vergnüege u gfröie üs uf wiiteri Nachrichte. Liebi Grüess Mam
Vulkän u Geysire... - da chunnt mir spontan scho grad eher Island i Sinn ;-). Tönt faszinierend schön. Wieterhin vieu Spass!
Tuusig Grüess us Bärn Valérie
Kommentar veröffentlichen