Hola!
Uesi Tour duer d'Ande u e Salar de Uyuni isch super gsi. Ar Grenze zu Bolivie si mir mit uesem Fahrer, emne eutere, durend Cocablaetter-kaetschende, naette, Bolivianer u vier anderne Luet (u.a. zwe Franzose) imne eher betagte Jeep gstartet. Mir si a verschiedefarbige Lagunene verbi cho, wiss, gruen oder rot, huefig mit u viune Flamingos besiedlet. Stundelang si mir ueber holperigi Pistene gfahre u hei eifach zum Faenschter use gluegt u di grandiosi Ussicht (Baerge, Vulkaen, aendlosi Witi) gnosse. Zwoei Mau hei mir unterwaegs uebernachtet u si de am dritte Tag duer e Salar de Uyuni gfahre, e riesigi Salzwuesti bzw. Salzmeer. Me het chum dr Horizont moege gseh, es isch eifach aues wiss gsi. So schoen!!!
Bolivie isch viu farbiger aus dr Norde vo Chile, choei ues chum sattgseh a dere gruene, huegelige Landschaft, de Maerite, wo me aus, sogar WC-Papier, cha choufe u de Indigenas i ihrne traditionelle Kleider. Aber derfuer hets o viu meh bettelndi Luet, v.a. auti u Chind. We si eim so aluege mit ihrem truurige Blick, isch das so richtig haerzzerrissend u maengisch fasch nid zum ushaute. So hei mir heut amne aute haerzige Grossi es Kamillestruessli abchouft.
Nach em Salar si mir is hoechschte Stedtli vor Waeut, chli meh aus 4000m ueber Meer. D'Hoechi hei mir schoen moege gspuere, bir chlinschte Astraengig hei mir wie Dampflokine muesse schnufe. Die letschte paar Taeg si mir in Sucre gsi, e sehr schoeni Stadt mit viune Hueser im Kolonialstil im Zaentrum. Geschter hei mir dr Nachtbus nach Cochabamba gno. Nach oeppe 10 Stund si mir huet morge hie acho, hei besser gschlafe, aus mir daenkt hei. Es isch u aeng u stickig gsi im Bus, gaege Morge hei mir aber de gfrore. Hinter ues het sech e fuefkoepfegi Familie zwe Sitze teilt, zwe Buebe hei naer am Bode im Gang gschlafe. Am zwoei am Morge het ues e Reifepanne e unverhoffti WC-Glaegeheit hinter em naechschte Busch glieferet. D'Fahrt isch wuerklech no agnaehm gsi, mir findes aber schoener, tagsueber z'reise, so dass me oeppis vor Landschaft gseht.
Merci fuer eui Nachrichte us dr Heimat, ha immer Froei oeppis vo euch z'ghoere!
Muchos saludos, Sonja
30. März 2007
20. März 2007
Letschti Taeg in Chile
Mir verbringe uesi letschte Taeg in Chile in San Pedro de Atacama, ere Oase am Fuess vo de Ande. Zersch hei mir ues chli a di Horde vo Touris muesse gwahne, eifach ungloublech, es wimmlet nume so vo Franzose. Aber d'Kulisse zringsetum isch so ueberwaeltigend, eifach wunderschoen. Vo uesem Hostal us gseh mir grad uf eine vo dene hoeche Vulkaen (5900m). Mir hei verschiedeni Usflueg id Umgaebig gmacht. Am frueche Morge zu Geysire, hei z'erschte Mau richtig chaut gha, da es oeppe null Grad isch gsi. Nach Sunneufgang und emne Bad ire heisse Quelle isch es de wermer worde. Ir Salzwuesti hei mir Flamingos gseh u uf em Altiplano obe dunkublaui Lagunene. D'Landschaft isch eifach grandios!
I dere churze Zyt hei mir scho es paar Pannene erlaebt. Einisch hei si ues vergaesse, hei gaege Abe dr Sunneuntergang imne schoene Tal woeue ga luege, e anderi Gruppe het ues aber de mitgno. Naer isch einisch e Stossdaempfer broche u e Reife platt gsi. Aber das ghoert haut derzue u mir si immer wieder zruegg cho.
Morn reise mir witer nach Bolivie, waerde e 3-taegegi Tour duer d'Ande mache. Mir hoffe nume, dass uesi Verdouigsproblem bis denn chli besser si. Hei letscht Nacht e Komedi mit em WC gha. Da i usere Unterkunft ir Nacht ke Wasser chunnt, hei mir am Abe zwe 5l-Kanister mit Wasser gfuellt, so dass mir o ja hei choenne spuehle!
PS: Schnee gseh mir zum Glueck nume vo witem! :-)
I dere churze Zyt hei mir scho es paar Pannene erlaebt. Einisch hei si ues vergaesse, hei gaege Abe dr Sunneuntergang imne schoene Tal woeue ga luege, e anderi Gruppe het ues aber de mitgno. Naer isch einisch e Stossdaempfer broche u e Reife platt gsi. Aber das ghoert haut derzue u mir si immer wieder zruegg cho.
Morn reise mir witer nach Bolivie, waerde e 3-taegegi Tour duer d'Ande mache. Mir hoffe nume, dass uesi Verdouigsproblem bis denn chli besser si. Hei letscht Nacht e Komedi mit em WC gha. Da i usere Unterkunft ir Nacht ke Wasser chunnt, hei mir am Abe zwe 5l-Kanister mit Wasser gfuellt, so dass mir o ja hei choenne spuehle!
PS: Schnee gseh mir zum Glueck nume vo witem! :-)
14. März 2007
Zwoei Bleichgsichter ir Wuesti
Hallo zaeme!
Mir si grad vore chline Wuestewanderig zruegg cho, si imene Nationalpark zum Mirador ufekraxlet u das bi bruetender Hitz. Bim Picnic hei ues vier jungi Wuestefuechs umzinglet bzw. umkreist u ues agfuchet. Tollwut-Impfig sei Dank! Nach emne Zytli ischs ne de z'bloed worde u sie si gange, de hei mir aendlech die schoeni Ussicht choenne gniesse. Hie ar Kueste hets u schoeni Straend, riesig eifach, d'Wuesti chunnt bis as Meer. Z'Wasser isch e chli chaut zum bade, aber mir gniesses sehr eifach am Strand z'liege u chli z'suennele. Aesse fasch jede Tag Fisch, da es huefig gar nuet anders git, aber es isch immer so fein, so dass ues das glich isch. Mir si hie imene chline Oertli, Chanaral, u wohne imene chline Hotel mit Sunneterrasse! D'Luet si u naett u fruendlech, nume verstoeh mir se aube nid so guet, da sie so schnaeu rede u d'Aendige verschluecke.
Vo Santiago sie mir witer nach Valparaiso, e Hafestadt am Meer mit viune farbige Hueser u coole aute Lifte. So ne Lift choeit dir oeich wie z'Marzilibaehndli vorsteue, aber kes richtigs Baehndli, sondern Container, chliner oder groesser, gseh u schoen us. Mir sie jenschti Mau ufe u abe tuckerlet. Mir si de witer ar Kueste entlang nordwaerts, stundelang duer Wuesti gfahre, het wahnsinnig schoen ussgseh. Mit de Busse klappt aues tiptop, we mir nid grad bimene Haut ufs WC loufe u gseh, wie uese Bus furt fahrt, mit uesem Gepaeck! Aber er isch nume ga tanke naebedra u mir hei ues schnaeu wieder erhout vom Schock. Einisch hei mir e Bootstour gmacht u hei Pinguine u Seeloeie gseh, es anders Mau si mir e Pisco-Destillerie ga besichtige. Pisco isch e Trubeschnaps, no fein. Mir hei aber nid so viu choenne degustiere wie denn in Tequila z'Mexico.
So, itz goe mir de ga Znacht aesse u es wird sicher wieder einisch Fisch gae!
Liebi Gruess us Chile, Sonja
Mir si grad vore chline Wuestewanderig zruegg cho, si imene Nationalpark zum Mirador ufekraxlet u das bi bruetender Hitz. Bim Picnic hei ues vier jungi Wuestefuechs umzinglet bzw. umkreist u ues agfuchet. Tollwut-Impfig sei Dank! Nach emne Zytli ischs ne de z'bloed worde u sie si gange, de hei mir aendlech die schoeni Ussicht choenne gniesse. Hie ar Kueste hets u schoeni Straend, riesig eifach, d'Wuesti chunnt bis as Meer. Z'Wasser isch e chli chaut zum bade, aber mir gniesses sehr eifach am Strand z'liege u chli z'suennele. Aesse fasch jede Tag Fisch, da es huefig gar nuet anders git, aber es isch immer so fein, so dass ues das glich isch. Mir si hie imene chline Oertli, Chanaral, u wohne imene chline Hotel mit Sunneterrasse! D'Luet si u naett u fruendlech, nume verstoeh mir se aube nid so guet, da sie so schnaeu rede u d'Aendige verschluecke.
Vo Santiago sie mir witer nach Valparaiso, e Hafestadt am Meer mit viune farbige Hueser u coole aute Lifte. So ne Lift choeit dir oeich wie z'Marzilibaehndli vorsteue, aber kes richtigs Baehndli, sondern Container, chliner oder groesser, gseh u schoen us. Mir sie jenschti Mau ufe u abe tuckerlet. Mir si de witer ar Kueste entlang nordwaerts, stundelang duer Wuesti gfahre, het wahnsinnig schoen ussgseh. Mit de Busse klappt aues tiptop, we mir nid grad bimene Haut ufs WC loufe u gseh, wie uese Bus furt fahrt, mit uesem Gepaeck! Aber er isch nume ga tanke naebedra u mir hei ues schnaeu wieder erhout vom Schock. Einisch hei mir e Bootstour gmacht u hei Pinguine u Seeloeie gseh, es anders Mau si mir e Pisco-Destillerie ga besichtige. Pisco isch e Trubeschnaps, no fein. Mir hei aber nid so viu choenne degustiere wie denn in Tequila z'Mexico.
So, itz goe mir de ga Znacht aesse u es wird sicher wieder einisch Fisch gae!
Liebi Gruess us Chile, Sonja
5. März 2007
Santiago
Mir sie guet in Chile acho, hei e wunderschoene Usblick bim Flug ueber d'Ande gha. Itz hei mir bi 30 Grad Santiago erkundet, hei dr chaut Winter scho fasch vergaesse. Es isch u gmuetlech uf emne Plaetzli z'sitze u eifach so d'Umgaebig z'betrachte.
Geschter hei mir e Usflug id Hoeger usserhaub vo Santiago gmacht u derbi scho e rasanti Busfahrt erlaebt, hei ues no grad knapp choenne festhaute, suesch waere mir duere Bus gfloge.
Liebi Gruess us dr Waermi, Suesu u Sonja
Geschter hei mir e Usflug id Hoeger usserhaub vo Santiago gmacht u derbi scho e rasanti Busfahrt erlaebt, hei ues no grad knapp choenne festhaute, suesch waere mir duere Bus gfloge.
Liebi Gruess us dr Waermi, Suesu u Sonja
Abonnieren
Posts (Atom)
